Zyra e Përkthimeve SCAMPA – Partneri Juaj për përkthime gjermanisht – shqip – gjermanisht.
Shqipëria ushtronte përgjatë viteve si Republikë Popullore (1945 – 1990) një sistem ekonomik, që kontrollohej rreptësisht nga shteti. Në fundin e viteve 1980-ë, vitet e fundit të ekonomisë socialiste, PBB-ja (Prodhimi i Brëndshëm Brutto) vjetore ishte në vlerën prej 700 USD për frymë, një vlerë shumë e ulët në krahasim edhe me vendet e tjera të rajonit.
Pas ndryshimit të sistemit në vitet 1990/91 ekonomia shqiptare do të kalonte një periudhë tejet të vështirë. Shkatërrimi thuajse total i ekonomisë egzistuese çoi në një rënie të thellë të PBB-së, i cili në vitin 1992 arriti në vetëm sa një të tretën e PBB-së të vitit 1980. Megjithatë vitet në vazhdim do të shënonin një përmirësim dhe zhvillim të qëndrueshëm, edhe pse efektet e krizës ekonomike të vitit 2008 do të ndiheshin fort dhe do ta shoqëronin ekonominë shqiptare përgjatë tërë viteve 2009-2016.
PBB-ja nominale për frymë për vitin 2019 parashikohet (Janar 2020) të arrijë në 5.400 USD, vlerë kjo që shënon një rritje deri 6 herë më shumë krahasuar me vitin 1998, si viti më i vështirë i periudhës së ndryshimit të sistemeve pas trazirave piramidale të 1997-ës.
Të dhënat e Bankës Botërore e vlerësojnë tashmë Shqipërinë në listën e vendeve me të ardhura të larta mesatare (upper-middle-income country).
Rritja vjetore e ekonomisë shqiptare në vitet 2016 deri 2018 rezultonte në kufirin midis 3 % dhe pak më shumë se 4 %, për vitin 2019 pritej në janar 2020 një rezultat diku 2,2 – 2,5 %. Para shpërthimit mbarë botëror të krizës së coronës parashikoheshin për vitet e mëpasshme gjithashtu një rritje tjetër ekonomike brenda një kuadri të ngjashëm – por si kudo edhe në Shqipëri pritet që për vitin 2020 të ketë një korrigjim në ulje.
Burimi i të dhënave: INSTAT, Bank of Albania, World Bank, IMF, WKO
Grafiku: SCAMPA, Janar 2020
Sipas Indeksit të Zhvillimit Njerëzor (Human Development Index, HDI) të Kombeve të Bashkuara, i cili krahas PBB për frymë përfshin edhe faktorë të tjerë si jetëgjatësia mesatare dhe kohëzgjatja e arsimimit, Shqipëria gjendet në zonën e zhvillimit të lartë njerëzor.
Zhvillimi pozitiv i ekonomisë shqiptare dhe kushtet egzistuese për investim kanë tërhequr vëmendjen e një sërë investorëve të huaj, sidomos nga zona e vendeve gjermanishtfolëse, të cilët, duke kuptuar potencialin e madh, kane mbërritur në vend ose po planifikojnë investime në një të ardhme të afërt ose të mesme.
Në ballë të investimeve të huaja direkte në Shqipëri për vitin 2018 ishin Zvicra (në vendin e 2-të) dhe Austria (në vendin e 6-të).
Zyra e Përkthimeve SCAMPA – Partneri Juaj për përkthime gjermanisht – shqip – gjermanisht.
Në Austri, Zvicër, Gjermani dhe në mbarë rajonin shqipfolës.